Bas Yun Hi

panchi chechaha rahe the, badal garaj rahe the

par humein toh kuch sunayi na de rha tha

kyunki hum toh us priya ki muskurat ka tinka dekhne mein;

uske hothon pe sehmi hui woh harsh ullas ki nishaani,

ka intezaar kar rhe the;

samay nikla jaa rha tha

woh naraaz baithi thi

hum thehre huye the

woh sehmi huyi thi;

apni palkein chupaye

aansun bahati jaa rhi thi

par jaise hi din badla, badal badje;

zabaan pe aate woh lafz

usse yun keh na pa rhe the,

ki aisi kyu sehmi baithi ho,

kya baat hai, mujhe bhi zara

apni aashanka ka kaaran suna do;

mujhe bhi apne aankhon se nikalte 

aansuon ki parchai bana ke,

izhaar kardo, kuch suna do, bol do ki kya baat hai

zara hasdo, kuch swar suna do

zara toh muskura do;

kya pata,

kya pata

jis din tumne apne dil ke dwaar khol diye,

apne dil se zabaan pe aate unn lafzon ka izhaar karna;

yadi tum apne sir ko mere kandhon pe rakhna;

aur khul ke mamta, vaishali aur kavita ke vichaar

sirf aur sirf humse karna,

apne dukhon ka prayashit karna,

apne sukhon ka gungaan karna

jab humse shuru kar dogi;

toh kya pata,

kya pata,

iss nacheez ko ek sahara mil jayega

uss dine hum tumhare sang

bina kuch soche bas yun hi chal padenge;